HÜSEYN CAVİDİN EV-MUZEYİ VƏ XATİRƏ KOMPLEKSİ, N a x ç ı v a n d a – 1981 ildә әdibin doğulduğu qәdim Əlixan mәhәllәsindәki evdә “Hüseyn Cavidin ev-muzeyi” kimi yaradılmışdır. Açılışı 1984 ildә olmuşdur. Muzeyin fondunda 9500 eksponat saxlanılır (2019). Ekspozisiyada Hüseyn Cavidin hәyat vә yaradıcılığını әks etdirәn fotoşәkillәr, әsәrlәrinin ilk nәşrlәri, üzәrindә müәllifin avtoqrafı olan “İblis” vә “Sәyavuş” әsәrlәri, “Knyaz” әsәrinin әlyazması, müxtәlif ev әşyaları, tamaşaya qoyulmuş dram әsәrlәrinin afişa vә proqramları, әdibin pensnesi (gözlüyü), yazılәvazimatı, ona hәsr edilmiş xalçalar, heykәltәraşlıq nümunәlәri, rәngkarlıq, qrafika әsәrlәri vә s. nümayiş olunur. Muzeydә Hüseyn Cavidin yaradıcılığı ilә bağlı tәdqiqat işlәri aparılır, әdәbi irsi öyrәnilir, sәyyar sәrgilәr tәşkil edilir, açıq dәrslәr keçirilir.
2015 ildә Cavid mәqbәrәsi ev-muzeylә birlәşdirilmiş vә adı dәyişdirilәrәk Hüseyn Cavidin ev-muzeyi vә xatirә kompleksi adlandırılmışdır.
