HÜSEYNOV Cәlil Qafar oğlu (d.1.4. 1957, Naxçıvan ş.) – Azәrb. rәssamı. Azәrb. Resp. xalq rәssamı (2005), әmәkdar incәsәnәt xadimi (2002). Ə.Əzimzadә ad. Azәrb. Dövlәt Rәssamlıq Mәktәbini (1977) vә Xarkov Rәssamlıq İn-tunu (1982) bitirmişdir. Əsasәn, monumental boyakarlıq vә dәzgah boyakarlığı sahәlәrindә fәaliyyәt göstәrir. Monumental işlәri: “Gәnclik” (1980), “Uşaqlıq dünyası” (1983), “Elmin inkişafı” (1983), “Tәbiәt vә musiqi” (1985) vә s. Yaradıcılığında portret janrı (“Şәhri yar”, “Ə.Cavad”, “H.Cavid”, “Əcәmi”, “M.S.Or dubadi” vә b.), çoxsaylı mәnzәrәlәr (“Köhnә Naxçıvan”, 1978; “Abşeron bağları”, 2016 vә s.), portretkompozisiyalar (“Emalatxanada”, 1998; “Yatmış qadın”, 1999), natürmortlar mühüm yer tutur. 1982 ildәn Azәrb.-da vә müxtәlif ölkәlәrdә (ABŞ, Fransa, Almaniya, Rusiya, İran vә s.) keçirilәn sәrgilәrdә iştirak etmişdir. Əsәrlәri Azәrb. Milli İncәsәnәt Muzeyindә, Bakı Müasir İncәsәnәt Muzeyindә vә şәxsi kolleksiyalarda saxlanılır. “Akademik rәngkarlıq”, “Tәsvir vә müstәvi” dәrsliklәrinin müәllifidir. 1982 ildәn pedaqoji fәaliyyәt göstәrәn H. ADMİU-da dekan (1987–96) vә kafedra müdiri (1996–2000) işlәmişdir.
