HÜSEYNOV Çingiz Hәsәn oğlu (d.20. 4.1929, Bakı) – Azәrb. yazıçısı, әdәbiyyatşünas, filologiya e.d. (1979), prof. (1980), Azәrb. SSR әmәkdar incәsәnәt xadimi (1989). 1947 ildә Azәrb. Dövlәt Untinin filologiya fakültәsinә daxil olmuş, 1948–52 illәrdә tәhsilini Moskva Dövlәt Un-tindә davam etdirmişdir. SSRİ Yazııçlar İttifaqında mәslәhәtçi (1955–72) işlәmişdir. Azәrb. vә rus dillәrindә yazır. Müasirlәrinin hәyatından bәhs edәn povest vә hekayәlәrin (“Mәnim bacım”, 1962; “Əriyәn heykәl”, 1964; “Şәhәr üzәrindә külәk”, 1965; “Çәtin yoxuş”, 1969; “Adını demәdi”, 1973; “Adalar”, 1980 vә s.), romanların (“Mәhәmmәd, Mәmmәd, Mәmiş”, 1975; “Fәtәli fәthi”, 1983, 1987, rus dilindә; 1986, Azәrb. dilindә; “Ailә sirlәri”, 1985; “Direktoriya Iqra”, 1996) müәllifidir. N.Nәrimanov, M.Rәsulzadә (“Doktor N”, 2 kitabda, 1998; ixtisarla versiyası “Sonsuz mәktub”, 2006) vә Mәhәmmәd peyğәmbәrin (“Əyilmiş sәhәngdәn suyu dağılmağa qoymamalı”, 2003) hәyatından bәhs edәn romanları; “Sovet әdәbiyyatında ikidilli bәdii yaradıcılıq problemi” (1972), “Bu canlı fenomen. Çoxmillәtli sovet әdәbiyyatı dünәn vә bu gün” (1988), “Milli konfliktlәr haqqında: mәdәni aspektlәr” (1995) adlı tәdqiqat әsәrlәri; “Ən böyük sürәt hәyatın sürәtidir” (2003) esselәr toplusu, “İllәr xatirәlәrә dönür” (2004) kitabı var. C.Mәmmәdquluzadә, M.Ə.Sabir, S.Vurğun, Əbülhәsәn vә b. Azәrb. әdiblәrinin әsәrlәrini vә Quranı rus dilinә tәrcümә etmişdir.
Əd.: Т в е р д и с л о в а Е. Чужая тайна. М., 1996.
