HÜSEYNOV Elşad Eynulla oğlu (8.10. 1960, Masallı r-nunun Xıl k. – 15.6.1992, Xocalı r-nunun Fәrrux k.) – Azәrb.-ın Milli Qәhrәmanı (ölümündәn sonra, 8.10.1992). Hәrbi xidmәti Batumi ş-ndә keçmişdir (1979–81). Sәbail (Bakı ş.) rayon daxili işlәr şöbәsindә işlәmiş, N.Rizayev ad. Bakı Xüsusi Orta Milis Mәktәbindә (indiki Polis Akademiyası) qiyabi tәhsil almışdır (1986–89). Füzulidә, Tәrtәrdә, Qarabağın Marağa, Cuvarlı, Marquşevan, Ağbulaq kәndlәrindә ermәnilәrә qarşı gedәn döyüşlәrdә igidlik vә şәxsi şücaәtl göstәrmişdir. Ağdam–Fәrrux istiqamәtindә gedәn döyüşdә qәhrәmancasına hәlak olmuşdur. Masallı r-nunun Xıl k.-ndә dәfn edilmiş, büstü qoyulmuşdur.
