HÜSEYNOV Mәmmәdәli Murad oğlu (3.4.1922, Qazax r-nunun Mollacәfәrli k. – 5.7.1994, Bakı) – Azәrb. arxeoloqu vә paleontoloqu, Azәrb. paleontologiyası mәktәbinin banisi, tarix e.d. (1985), prof. (1987). Azәrb. Dövlәt Un-tinin (ADU) tarix fakültәsini bitirmişdir (1951). Hәmin ildәn Azәrb. tarixi muzeyindә әmәk fәaliyyәtinә başlamış, 1956–58 illәrdә Qazax r-nunun Damcılı vә Daşsalahlı mağara düşәrgәlәrindә arxeoloji qazıntı işlәri aparmış, Paleolit vә Mustye dövrlәrinә aid zәngin maddi mәdәniyyәt nümunәlәrini üzә çıxarmışdır. 1960 ildә Qarabağda Quruçay vә Köndәlәnçay sahillәrindә qazıntı işlәri aparmış, çoxtәbәqәli Azıx vә Tağlar Paleolit düşәrgәlәrini aşkar etmişdir. 1968 ildә Azıx mağarasında qәdim insanın (Azıxantrop) alt çәnәsinin bir hissәsini tapmışdır. 1971–94 illәrdә Azәrb. EA Arxeologiya vә Etnoqrafiya İn-tunun Daş dövrü arxeologiyası şöbәsinin rәhbәri, 1976–93 illәrdә ADU-nun arxeologiya vә etnoqrafiya kafedrasının müdiri olmuşdur. 100-dәn çox elmi әsәrin, o cümlәdәn bir neçә monoqrafiyanın müәllifidir.
Ə s ә r l ә r i: Azәrbaycan arxeologiyası (Daş dövrü). B., 1974; Azәrbaycanın qәdim paleoliti. B., 2010 (Ə.Cәfәrovla müştәrәk).
