HÜSEYNOV Rauf Vәli oğlu (12.6.1940, Göyçay – 21.2.2019, Bakı) – Azәrb. riyaziyyatçısı, AMEA-nın m.üzvü (2007), fizika-riyaziyyat e.d. (1999). Azәrb. Dövlәt Un-tini bitirmişdir (1964). 1972–84 illәrdә Gәncә Dövlәt Pedaqoji İn-tunda baş müәllim, kafedra müdiri olmuşdur. 1984–2002 illәrdә AMEA-nın Riyaziyyat vә Mexanika İn-tunda böyük elmi işçi, aparısı elmi işçi, baş elmi işçi vә şöbә müdiri vәzifәlәrindә işlәmişdir. 2002–05 illәrdә Türkiyәdә Afyon Koca Tepe Un-tinin, 2006 ildә Milli Aviasiya Akademiyasının prof.-u olmuşdur. 2007–19 illәrdә AMEA Riyaziyyat vә Mexanika İn-tunun “Riyazi fizika tәnliklәri” şöbәsinin müdiri vәzifәsindә çalışmışdır. Tәdqiqatları diferensial tәnliklәrә aiddir. O, ölçü vә inteqral, xüsusi törәmәli diferensial tәnliklәr nәzәriyyәsindә mühüm nәticәlәr almışdır. Qauss ölçülü xәtti fәzalar da tәyin olunmuş funksionalların Furye tipli çevrilmәsinә aid aldığı nәticәlәr kvant mexanikasında ortaya çıxan variasiya törәmәli diferensial tәnliklәrin hәllinә tәtbiq edilmişdir. 50-dәn artıq elmi әsәrin müәllifidir.
