HÜSEYNOV Şirmәmmәd Ağamәmmәd oğlu (17.12.1924, Şәki ş. – 24.6.2019, Bakı) – Azәrb. publisisti, mәtbuat tarixi tәdqiqatçısı, prof. (1988), әmәkdar jurna isti (1988). Şәkidә 2 illik Müәllimlәr in-tunun fizika-riyaziyyat fakültәsini bitirmiş (1942), Zaqatala vә Şәki rayonlarında müәllim işlәmişdir. Ədәbi fәaliyyәtә 1944 ildә “Nuxa fәhlәsi” qәzetindә başlamışdır. Azәrb. Dövlәt Un-tinin (indiki BDU) filologiya fakültәsinin jurnalistika şöbәsindә tәhsil almış (1945–50), “Azәrbaycan müәllimi” qәzetindә şöbә müdiri (1948–50) işlәmişdir. BDU-nun filologiya fakültәsinin jurnalistika kafedrasında baş müәllim vә dosent (1954–61), dekan müavini (1962–69), jurnalistikanın nәzәriyyәsi vә tәcrübәsi kafedrasının dosenti (1961–71), jurnalistika fakültәsinin dekanı (1970–76), mәtbuat tarixi vә ideoloji iş metodları kafedrasının dosenti (1971–88) vә müdiri (1976–88) olmuşdu . Azәrb. mәtbuat tarixi vә jurnalistika nәzәriyyәsi sahәsindә, hәmçinin Azәrb. Xalq Cümhuriyyәti qurucuları irsinin öyrәnilmәsindә müstәsna xidmәtlәr göstәrmişdir. 800-dәn çox elmi әsәrin, o cümlәdәn mәtbuatşünasliğa dair 30-dan çox kitab vә monoqrafiyanın müәllifidir. Azәrb. Resp.-nın “Şәrәf” ordeni (2014) ilә tәltif olunmuşdur.
Ə s ә r l ә r i: Jurnalistika mәsәlәlәri. 2 cilddә. B., 1966 vә 1972; Hәqiqәt vә әdalәt carçısı. B., 1988; Müstәqilliyin çәtin yolu. Biz hara gedirik? (mәqalәlәr toplusu). B., 1996; Mәtbu irsimizdәn sәhifәlәr. B., 2007; Ü.Hacıbәyli. Nәşrlәrdә kәnara qoyulmuş mәtbu әsәrlәri (1904–1912). I h., B., 2009; Ü.Hacıbәyli. Nәşrlәrdә kәnara qoyulmuş, ixtisar vә “redaktә” edilmiş әsәrlәri. II h., B., 2010.
