HÜSEYNOV Tofiq Hüseyn oğlu (Tofiq Hüseynoğlu; 21.4.1938, Qazax r-nunun, Bәyazatlı k., indiki Ağstafa r-nunun Yuxarı Göyçәli k. – 2.5.2020, Moskva; Bakıda dәfn edilmişdir) – Azәrb. әdәbiyyatşünası. Filologiya e.d. (1990), prof. (1992). Azərb. Dövlət Un-tinin filologiya fakültəsini (1961) bitirmişdir. Azәrb. Sovet Ensiklopediyasında redaktor (1968), Azәrb. Dövlәt Un-tinin qiyabi tәhsil şöbәsindә metodist (1969–75) işlәmişdir. BDU-nun müasir Azәrb. әdәbiyyatı kafedrasında müәllim, baş müәllim, dosent, prof. (1976–2009), kafedra müdiri (2009–16) Azәrb. әdәbiyyatı tarixi kafedrasında müdir müavini (2016–18) hәmçinin Bakı Qızlar Untindә elmi işlәr üzrә prorektor (2001–2005) işlәmişdir. Tәdqiqatları, әsasәn, Y.V.Çәmәnzәminlinin hәyat vә yaradıcılığına hәsr olunmuşdur. 200-dәn çox elmi әsәrin, o cümlәdәn 6 monoqrafiyanın müәllifi, “Azәrbaycan әdәbiyyatı tarixi” vә “Müasir Azәrbaycan әdәbiyyatı” (2 cilddә, B., 2007) dәrsliklәrinin müәlliflәrindәn biridir.
Ə s ә r l ә r i: Tarixi roman ustası. B., 1986; Yusif Vәzir Çәmәnzәminli. B., 1987; Söz –tarixin yuvası. B., 2000; Сердца с кровью. B., 2009.
