HÜSEYNOV Tofiq Mirsiyab oğlu (19.4.1954, Xocalı ş. – 26.2.1992, Xocalı ş.) –Azәrb.-ın Milli Qәhrәmanı (ölümündәn sonra, 7.7.1992). 1974–76 illәrdә sovet ordusunda xidmәt etmişdir. 1991 ildә Xocalı özünümüdafiә taborunu yaradanlardan biri olmuş, sonra taborun komandiri tәyin edilmişdir. “Mixaylo” adlandırılan H. Xocalını tez-tez top atәşinә tutan ermәnilәrin atıcı qurğularını mәhv etmiş, Mehdikәnddә yerlәşәn “Alazan” qurğusunu partlatmış, 10 ermәni yaraqlısını әsir götürmüşdür. Bu әmәliyyatdan sonra ona mayor rütbәsi verilmişdir. Axırıncı döyüşü zamanı Xocalıdan xeyli dinc sakini tәhlükәsiz yerә çıxara bilmişdir. Son güllәsinә qәdәr vuruşan H. onlarla ermәni quldurunu mәhv etmiş, özü ilә bәrabәr yaxınlığında olan ermәni әsgәrlәrinidә qumbara ilә partlatmışdır. Bakıda Şәhidlәr xiyabanında dәfn edilmişdir.
