HÜSEYNOV Vәli Allahverdi oğlu (d.1.2.1964, Ordubad r-nunun Behrud k.) –Azәrb. fiziki, fizika-riyaziyyat e.d. (2003), AMEA-nın m. üzvü (2007). MDU-nu bitirmişdir (1988). 2003 ildә Naxçıvan Dövlәt Un-ti nin (NDU) Ümumi vә nәzәri fizika kafedrasının müdiri, 2003–10 illәrdә NDU-nun elmi işlәr üzrә prorektoru vә eyni zaman da 2004–10 illәrdә AMEA-nın Naxçıvan Bölmәsinin Tәbii Ehtiyatlar İn-tunun Fiziki tәdqiqatlar laboratoriyasının rәhbәri olmuşdur. Elmi işlәri elementar zәrrәciklәr fizikası vә astrofizika sahәsinә aiddir. Elmi mәqalәlәri ABŞ, Yaponiya, Almaniya, İtaliya vә digәr ölkәlәrin elmi jurnal vә mәcmuәlәrindә, o cümlәdәn “Physical Review D”, “Journal of physics G: Nuclear and Particle physics”, “Yadernaya fizika” kimi nüfuzlu beynәlxalq elmi jurnallarda dәrc olunmuşdur. 2009 ildә İngiltәrәnin Kembric şәhәrindәki Beynәlxalq Bioqrafiya Mәrkәzi tәrәfindәn elementar zәrrәciklәr fizikası vә astrofizika sahәsindәki elmi nailiyyәtlәrinә görә beynәlxalq Eynşteyn mükafatına layiq görülmüşdür. 60-dan çox elmi әsәrin müәllifidir.
