HÜSEYNOV Vüqar Tofiq oğlu (20.6.1969, Cәbrayıl r-nunun Daşkәsәn k. – 20.7.1991, Goranboy r-nunun Buzluq k.) –Azәrb.-ın Milli Qәhrәmanı (ölümündәn sonra, 6.6.1992). 1987–89 illәrdә daxili qoşunlarda xidmәt etdikdәn sonra Binәqәdi Neft vә Qazçıxarma idarәsindә elektrik qaynaqçısı işlәmişdir. 1990 ilin oktyabrında DİN-in xüsusi tәyinatlı polis dәstәsinә yazılmış, Xocalıda, Çaykәnddә döyüşmüş, Goranboy r-nunun bir sıra kәndinin ermәni işğalçılarından azad olunmasında iştirak etmişdir. Şәhid jurnalist Salatın Əsgәrovanı qәtlә yetirәnlәrin tapılmasında H.-un böyük xidmәti olmuşdur. Buzluq k. uğrunda gedәn döyüş dә qәhrәmancasına hәlak olmuşdur. Oxuduğu kәnd orta mәktәbi onun adını daşıyır.
