HÜSEYNOVA Sәdaqәt Qәmbәr qızı (d.9. 7.1960, Tovuz r-nunun Xatınlı k.) – Azәrb. tibb alimi, nevropatoloq, neyrofizioloq, fizioterapevt. Tibb e.d. (2004), prof. (2016). Azәrb. Dövlәt Tibb İn-tunu (indiki ATU) bitirmişdir (1984). 1986–88 illәrdә Resp. Eşitmәnin, nitqin vә sәsin patologiyası mәrkәzindә hәkim-psixoterapevt işlәmiş, 1991 ildәn Azәrb. Elmi Tәdqiqat Tibbi Bәrpa vә Tәbii Amillәrlә Müalicә İn-tunda işlәyir (1994–2007 illәrdә böyük vә aparıcı elmi işçi 2007 ildәn kliniki neyrofiziologiya laboratoriyasının rәhbәri). Tәdqiqatları, әsasәn, mәrkәzi vә periferik sinir sistemi xәstәliklәrinin (o cümlәdәn periferik sinir sisteminin odlu silah yaralanmalarının) müalicә vә reabilitasiyasında fiziki faktorlar vә tәbii müalicә amillәrinin, dәrman vasitәlәrinin tәsirinin neyrofizioloji әsaslarının öyrәnilmәsinә hәsr edilmişdir. 200-ә yaxın elmi әsәrin müәllifidir.
Ə s ә r i: A.The use of pulsed elektromagnetic fields with complex modulation in the treatment of patients with diabetic polyneyropathy // Neuroscience and Behavioral Physiology. October 2003, vol. 33, n. 8, pp. 745–752.
