HÜSEYNZADƏ Əlәkbәr Hüseyn oğlu (3.10.1887, Bakı – 14.11.1967, Bakı) –Azәrb. aktyoru. Azәrb. SSR әmәkdar artisti (1957). SSRİ Dövlәt mükafatı laureatı (1946). Sәhnә fәaliyyәtinә 1908 ildәn başlamış, 1909 ildәn H.Ərәblinskinin rej.-u olduğu bir çox tamaşaların, 1915–16 illәr dә isә Azәrb. artistlәrinin Aşqabad qastrollarının fәal iştirakçısı olmuşdur. Bir müddәt Aşqabad teatrında (sonralar Aşqabad Dövlәt Azәrb. Musiqili Teatrı) işlәmiş (1916–30; fasilәlәrlә), “Pәri-cadu” (Ə.Haqverdiyev), “Nadir şah” (N.Nәrimanov), “Ölülәr” (C.Mәmmәdquluzadә), “Əsli vә Kәrәm”, “Leyli vә Mәcnun”, “Arşın mal alan” (Ü.Hacıbәyli) vә s. әsәrlәri tamaşaya qoymuşdur. H. komediya ustası olmaqla yanaşı, dramatik rollarda da çıxış etmişdir: Hambal (“O olmasın, bu olsun”, Ü.Hacıbәyli), Ədhәm xan (“Nadir şah”, N.Nәrimanov), Hacı Qara (“Hacı Qara”, M.F.Axundzadә), Allahverdi Babakişi, Hacı Əhmәd, (“1905-ci ildә”, “Sevil”, “Almaz”, C.Cabbarlı), Hacı Hәsәn (“Ölülәr”, C.Mәmmәdquluzadә) vә s. Bir sıra filmlәrdә dә çәkilmişdir; “Almaz” (1936), “Qara daşlar” (1956), “Mahnı belә yaranır” (1957), “Kölgәlәr sürünür” (1958), vә s. “Arşın mal alan” operettasında yaratdığı Sultan bәy obrazı yaradıcılığında xüsusi yer tutur. Onun bu ifası Ü.Hacıbәyli tәrәfindәn yüksәk qiymәtlәndirilmişdir; eyniadlı filmdә (1945) hәmin rolda çәkilmişdir. Lenin ordeni ilә tәltif edilmişdir.
Əd.: Unudulmaz sәhnә ustaları, B., 1981.
