HÜSEYNZADƏ Mәcid Əzizoviç (16.8.1916, Ərdәbil – 18.9.2006, Moskva) – neftmәdәn mexanikası sahәsindә alim. Texnika e.d. (1962), prof. (1962). Rusiya Federasiyasının әmәkdar elm xadimi, Azәrb. SSR әmәkdar elm vә texnika xadimi (1966). Azәrb. Dövlәt Un-tini bitirmişdir (1941). Böyük Vәtәn müharibәsi (1941–45) iştirakçısıdır. 1952 ildәn Qubkin ad. Moskva Neft İn-tunda dosent işlәmişdir. 1962–89 illәrdә Moskva Neft-Kimya vә Qaz Sәnayesi İn-tunda kafedra müdiri, 1989 ildәn ali riyaziyyat kafedrasında prof. olmuşdur. Əsas elmi işlәri: müxtәlif cinsli laylarda mayenin hәrәkәt xüsusiyyәtlәri; eynicinsli laylarda vә çox laylı sistemlәrdә elastik rejim; neft hasilatı sәnayesindә yeraltı nüvә partlayışlarının tәtbiqi vә s. 150-yәdәk elmi әsәrin, o cümlәdәn monoqrafiya vә dәrs vәsaitlәrinin müәllifidir. “Şәrәf nişanı”, Xalqlar dostluğu, II dәrәcәli Vәtәn müharibәsi ordenlәri vә medallarla tәltif edilmişdir.
