HÜSEYNZADƏ Zahid Yusif oğlu (30.12.1917, Gәncә – 30.1.1980, Bakı) –Azәrb. diplomatı, 2-ci dәrәcәli müşavir diplomat (1967). Azәrb. Dövlәt Pedaqoji İn-tunu bitirdikdәn (1940) sonra Gәncә şәhәr xalq tәhsili şöbәsindә çalışmış (1943ilәdәk), Müәllimlәr İn-tunda baş müәllim, direktor müavini vә direktor vәzifәlәrindә işlәmiş, SSRİ Xarici İşlәr Nazirliyinin Ali Diplomatiya Mәktәbindә tәhsil almışdır (1944–47). SSRİ vә Azәrb. SSR Xarici İşlәr nazirliklәrindә mәsul vәzifәlәrdә işlәmiş, Azәrb. KP MK aparatının mәsul işçisi (1958–59) olmuşdur. 1959–70 illәrdә Birlәşmiş Ərәb Respublikasında SSRİ sәfirliyinin birinci katibi, İstanbulda SSRİ Baş konsulluğunun konsulu, SSRİ Xarici İşlәr Nazirliyindә Yaxın vә Orta Şәrq ölkәlәri şöbәsinin müşaviri vәzifәlәrindә işlәmiş dir. 1970–80 illәrdә H. Azәrb. KP MK-da tәbliğat vә tәşviqat şöbәsi müdirinin müavini, birinci müavini vәzifәlәrindә çalışmış, AKP-nin 29-cu qurultayında MK üzvlüyünә namizәd seçilmişdir.
H. bir sıra türk yazıçısının hekayәlәrini, hәmçinin Yәqub Qәdri Qaraosmanoğlunun “Zorәn diplomat”, Orxan Kamalın “Yad qızı” romanlarını Azәrb. dilinә tәrcümә etmişdir. Türk yazıçısı Orxan Kamalla dost olmuşdur. Beynәlxalq münasibәtlәrә dair bir sıra elmi-publisistik mәqalәnin müәllifidir. H. Azәrb. SSR Ali Sovetinin (10-cu çağırış) deputatı olmuş, “Şәrәf nişanı” ordeni ilә tәltif edilmişdir.
