HYÚSTON (Houston) Uitni Elizabet (9.8.1963, Nyu-Cersi ştatı, Nyuark – 11.2.2012, Los-Anceles) – Amerika estrada müğәnnisi, aktrisa. Afroamerikalı ailәsindә doğulmuşdur. Uşaq yaşlarında baptist kilsәsi xorunda oxumuş, sistematik musiqi tәhsili almamışdır. 1970-ci illәrin sonlarında afroamerikalı müğәnni Çari Xanın qrupunda bek-vokalçı kimi çıxış etmişdir. 1985 ildә “Whitney Houston” adlı ilk, 1987 ildә “Whit ney” adlı 2-ci albomu çıxmışdır. Hәr iki albom böyük uğur qazanmışdı. “Can güdәn” (rej. M.Cekson, 1992) filmindә baş rolda çәkilmiş, filmdә ifa etdiyi “I will always love you”, “I have nothing”, “Run to you”, “I’m every woman” mahnıları ABŞ vә digәr ölkәlәrdә çox populyar olmuşdur. Müxtәlif musiqi akademiyalarının, sәs yazma firmaları vә әylәncә sәnayesinin 400-dәn çox mükafatına, o cümlәdәn 8 “Qremmi” mükafatına layiq görülmüşdür.
H. 1984 ildәn kino vә televiziyada çәkilmişdir; “Bir udum nәfәs” (1995), “Keşişin arvadı” (1996), “Sparkl” (2012) vә s. Mәşhur estrada müğәnilәri (A.Franklin, M.Keri, C.Maykl, E.İqlesias v. b.) ilә әmәkdaşlıq etmişdir. 1985 ildә Karnegiholl da (Hyuyork) solo konsert vermişdir. 1986 ildәn dünyanın bir çox ölkәsindә qastrol sәfәrlәrindә olmuşdur. H. haqqında “Uitni” (rej. A.Bassett, 2015) adlı bioqrafik bәdii film çәkilmişdir.
