XACIYEV Paraşkev (14.4.1912, Sofiya –28.4.1992, Sofiya) – bolqar bәstәkarı vә pedaqoqu. Bolqarıstanın xalq artisti (1965), Sosialist Əmәyi Qәhrәmanı (1979). Opera dirijoru vә pianoçu T.Xacıyev (Sofiya operasının әsasını qoymuşdur) vә opera müğәnnisi D.Xacıyevanın oğludur. 1936 ildә Bolqarıstan Dövlәt Konservatoriyasını pianoçu (A.Stoyanovun sinfini) vә bәstәkar (P.Vladigerovun sinfini) kimi bitirmişdir. Vyanada Y.Marksın (1937), Berlindә X.Tissenin vә Praqada Y.Sukun (1938–40) yanında tәcrübә keçmişdir. 1940 ildәn Bolqarıstan Dövlәt Konservatoriyasında dәrs demişdir (1947 ildәn prof.); A.Rayçev, İ.Marinov, P.Stoyanov onun şagirdlәri olmuşlar. 1990–92 illәrdә Bolqarıstan Bәstәkarlar İttifaqının sәdri idi. 21 operanın, o cümlәdәn “Mariya Desislava”nın (Bolqarıstan tarixindәn süjetlәr әsasında; 1978, Ruse) vә “Paradokslar” opera triptixinin (O’Henrinin hekayәlәri әsasında, 1982, Ruse), “Gümüş başmaqlar” baletinin (1961, Varna), 6 operetta vә müziklin, kinomu siqisinin, ork. vә kamera ansamblı üçün müxtәlif әsәrlәrin müәllifidir. Xalq musiqisinә istinad edәn X.-in üslubu üçün metroritmik rәngarәnglik (fp. üçün “Bolqar ritmlәrindә 12 pyes”), lirik-yumoristik mәzmun sәciyyәvidir. Harmoniya üzrә 2 dәrsliyin (1947, 1959) müәllifidir. X.-in “İyul gecәsi” operası Azәrb. Opera vә Balet Teatrında tamaşaya qoyulmuşdur.
