XAÇÇİÇƏK TAXTABİTİLƏRİ, k ә l ә m t a x t a b i t i l ә r i (Eurydema) – qalxanlı taxta bitilәr fәsilәsinә aid cücülәr cinsi, xaççiçәklilәr fәsilәsi bitkilәrinin zәrәrvericilәri. Dünyada 30-a yaxın növü (Avropa, Asiya, Şimali Afrikada) var. Bәdәni (uz. 5–10 mm) qara, göyümtül-qara, yaşıl, ağ, sarı vә ya qırmızı lәkәlәrdәn әmәlә gәlmiş әlvan şәkillidir; rәnginin mövsümi dәyişmәsi müşahidә olunur. İldә 1–4 nәsil verir. Yetkin taxtabitilәr qışlayır. Dişilәr yazda gövdә vә yarpaqlar üzәrinә çәllәk formalı yumurtalar (mәhsuldarlıq 60–300 yumurta) qoyur. Taxtabitilәr bitkilәrin şirәsini soraraq, onların böyümәdәn vә inkişafdan geri qalmasına sәbәb olur. Ən çox iqtisadi ziyan vuran X.t.: raps taxtabitisi (E. oleracea), kәlәm taxtabitisi (E.ventralis), xardal taxtabitisi (E. ornata), Sibir taxtabitisi (E. gebleri), şimal taxta bitisi (E. dominulus). Müdafiә tәdbirlәri: insektisidlәrin tәtbiq edilmәsi.
Xaççiçәk taxtabitilәri: 1 – kәlәm taxtabitisi (E. ventralis);
2 – xardal taxtabitisi (E. ornata).
