XAÇIN – Azәrb.-da tarixi әrazi. Tәqr. indiki Xaçın vә Tәrtәr çaylarının yuxarı axarı, Göycә gölündәn c.-a Qarabağın dağlıq hissәsini әhatә edirdi. 12 әsrdә tәşәkkül tapmış X. hakimliyinin mәrkәzi Xaçın çayının sağ sahilindә yerlәşәn Oğlanqala (xarabalığı indiki Ağdәrә r-nunun Çinarlı k. әrazisindәdir) idi.
Hakimliyi alban Mihranilәr sülalәsinin nümayәndәlәri idarә edirdilәr. 13 әsrdәn Cәlalilәr kimi tanınan bu sülalәnin әn görkәmli nümayәndәsi Hәsәn Cәlal olmuşdur. X.-da, әsasәn, Albaniyanın islam dinini qәbul etmәmiş xristian әhalisi yaşayırdı. 15 әsrdә Qaraqoyunlu hökmdarı Cahanşah Cәlalilәrә mәlik titulu vermişdi. X. mәlikliyi 1813 ildә Qarabağ xanlığının tәrkibindә Rusiyaya birlәşdirilmişdi.
