XALÁPA (Jalapa), X a l a p a E n r i k e s (Jalapa Henrıquez) – Meksikada şәhәr. Verak rus ştatının inz. m. Əh. 424,8 min (2010). Nәql. qovşağı. Mexiko –Verakrus avtomobil vә d.y. üzәrindәdir.
14 әsrin әvvәllәrindә indiki şәhәrin yerindә totonak, çiçimeka, toltek vә teoçiçimeka xalqları mәskәnlәr salmış, tәqr. 1313 ildә bu mәskәnlәr bir şәhәrdә birlәşmişdir. 15 әsrin ikinci yarısında astek hökmdarı I Montesuma X.-nı öz imperiyasının tәrkibinә qatmışdı. Meksikanın ispanlar tәrәfindәn işğalından sonra әhәmiyyәtini itirsә dә, ticarәtin inkişafı ilә әlaqәdar 1720-ci illәrdәn inkişaf etmәyә başlamış, әhalisi xeyli artmışdı. 1791 ildә şәhәr statusunu almışdır. 1824 ildәn Verakrus ştatının paytaxtıdır.
Un-t (1992), milli antropologiya (1951), interaktiv (1992) muzeylәri; simfonik orkestr (1929 ildәn) vә s. fәaliyyәt göstәrir. Stadion (1925), Botanika bağı (1977), bir neçә park var.
Plantasiya tәsәrrüfatı (texniki bitkilәr vә meyvәçilik) r-nunun mәrkәzidir. Şәhәrin iqtisadiyyatında әsas yeri turistlәrә xidmәt sferası tutur. Gül becәrilmәsi mühüm sahәlәrdәndir, X.-nı bәzәn “Meksikanın gülüstanı” adlandırırlar. Qәhvә, tütün istehsalı, meyvә vә tәrәvәzlәrin emalı müәssisәlәri, hәmçinin qaramal vә ev quşları yetişdirilәn fermalar var. Neft-qaz, pambıq parça vә yeyinti sәnayesi müәssisәlәri fәaliyyәt göstәrir.
