XALİD ibn Əbdülәziz әs-Sәud (13.2.1913,Ər-Riyad – 13.6.1982, Ət-Taif) – Sәudiyyә Ərәbistanı kralı [1975–82]. Əbdülәziz ibn Sәudun oğludur. 1932–34 illәrdә Hicazın vitse-kralı, 1934 ildәn daxili işlәr naziri olmuşdur. Birinci vitse-baş nazir (1964–75) vә vәliәhd idi. Nüfuzlu ictimai qrupların (ruhanilәr, tayfa başçıları, milli qvardiya) böyük dәstәyi sayәsindә Feysәl ibn Əbdül әziz tәrәfindәn başlanılan vә neftin sabit yüksәk qiymәtlәri ilә tәmin olunan sosial-iqtisadi islahatları davam etdirmişdir: müasir infrastruktur yaradılmış, sәhiyyә sistemi tәkmillәşdirilmiş, sәnayenin inkişafının 2-ci beşillik planı hәyata keçirilmişdir; şәhәr vә kәnd tәsәrrüfatı, ictimai işlәr vә mәnzil inşaatı, sәnaye vә elektriklәşdirmә nazirliklәri tәsis olunmuşdur. X. ABŞ ilә siyasi әlaqәlәri bәrpa etmiş, bu әlaqәlәr 1979–80-ci illәrdәki daxili siyasi gәrginliklәr [Mәkkәdә Mәscid ül-Hәramın C. әl-Uteybinin silahlı qruplaşması tәrәfindәn tutulması, Əfqanıstan münaqişәsi (1979–89) vә İran-İraq müharibәsinin (1980–88) başlaması ilә әlaqәdar Əl-Xasa şiә әhalisinin radikallaşması] fonunda daha da möhkәmlәnmişdi. Oman ilә BƏƏ arasında Əl-Buraymi va hәsi ilә bağlı әrazi mübahisәsinin nizamlanmasının әsasını qoymuşdur.
