XALİKOV Alfred Xasanoviç (30.5.1929, Tatarıstan, Kurmanayevo k. – 24.7.1994, Kazan) – rus arxeoloqu, tarixçi, Tatarıstan EA-nın m. üzvü (1992). Kazan Un-tini bitirmişdir (1952). 1951 ildәn SSRİ EA Kazan filialının (REA-nın elmi mәrkәzi) Dil, әdәbiyyat vә tarix in-tunda işlәmiş, 1962 ildәn direktor müavini, 1965–89 illәrdә Arxeologiya vә etnoqrafiya şöbәsinin müdiri olmuşdur. Kazan Un-tindә mühazirә oxumuşdur (1968 ildәn prof.). 1951 ildәn Daş dövründәn orta әsrlәrәdәk olan dövrә aid Volqa-Kama hövzәsi abidәlәrindә (o cümlәdәn Bolşiye Tarxanı, Tankeyevka vә Bol şiye Tiqanı mәzarlıqları, Axmılovo, Pepkino kurqanı, Bilәr, Kazan vә Yelabuqada) arxeoloji tәdqiqatlar aparmışdır. Mari, Tatar, Bilәr vә digәr geniş miqyaslı arxeoloji eks pedisiyaların, Kuybışev, Nijne kamsk, Çeboksarı SES-lәrinin tikintisi ilә әlaqәdar su altında qalacaq zonada aparılan tәdqiqatların rәhbәri olmuşdur.
Daş dövründәn başlayaraq Volqa-Kama hövzәsi arxeologiyasına, hәmçinin Şәrqi Avropadakı, Volqa-Kama Bulqarıstanındakı, Kazan xanlığındakı fin-uqor vә türk xalqlarının arxeologiyası vә tarixinә dair fundamental әsәrlәrin müәllifidir. Tunc dövrünә aid Kazanәtrafı (N.F.Kalininlә birgә), Balanovo (O.N.Baderlә birgә), Çirki-Seyma (Orta Volqaboyu), Pokrovsk (Orta vә Aşağı Volqaboyu) mәdәniyyәtlәrini müәyyәnlәşdirmiş, Volqa-Kama mәdәniyyәti terminini elmi dövriyyәyә daxil etmiş vә bu anlayışı dәqiqlәşdirmişdir. “Tatarıstan Resp.-nın arxeoloji xәritәsinin” (1981–90), Bilәrdә vә onun әtrafında, Kazan kremlindә, Yelabuqada muzey-qoruqların yaradılmasının tәşәbbüskarlarından biridir. Volqa-Kama hövzәsinin ibtidai vә orta әsrlәr arxeologiyası elmi mәktәblәrinin banisidir. Kazanda vә Tatarıstanın Alekseyev r-nunun Bilәrsk k.-ndә küçәlәr, hәmçinin Tatarıstan EA-nın Arxeologiya İn-tu X.-un adını daşıyır. 1999 ildәn Xalikov elmi qiraәtlәri keçirilir.
