XALKİDİKİ (Chalkidikē), X a l k i d i k a, X a l k i d o n y a r ı m a d a s ı – Yunanıstanın şm.-ş.-indә yarımada. Egey dәnizinә 120 km mәsafәdә uzanır; 3 çıxıntısı (Kasandra, Sitoniya, Ayon-Oros y-aları) var. Relyefi dağlıqdır (hünd. 2033 m-dәk, Afon d.). Şm.-q.-indә Saloniki d. yerlәşir. Kristallik süxurlardan ibarәtdir; maqnezit, pirit, dәmir filizi vә polimetal filiz yataqları var. Yayı isti vә mülayim (orta temp-r 28°C), qışı (orta temp-r 12°C) rütubәtlidir. Yarımadanın bitki örtüyü relikt şamağacı meşәsindәn, palıdlıqlardan (Afonda hәmçinin fıstıq vә ağ şamağacı meşәlәri) ibarәtdir. Aralıq dәnizi kolluqları yayılmışdır. Yarım adanın sahil xәttinin uz. 850 km-dir; kiçik buxta vә körfәzlәrlә parçalanmışdır. Zeytun ağacları, meyvә bağları var. Qoyunçuluq inkişaf etmişdir. Afon d.-nda (Ayon-Oros y-a) 20 kişi monastırı var.
İqtisadiyyatının әsasını zeytunçuluq vә turizm tәşkil edir. Yeyinti sәnayesi inkişaf etmişdir. Zeytun yağı vә süfrә zeytunu, meyvә-tәrәvәz konservlәri, süd, әt, balıq mәhsulları, bal, cem, marmelad, hәmçinin müxtәlif növ şәrab vә spirtli içkilәr (“tsipuro”) istehsal olunur.
