XALQ ÇALĞI ALƏTLƏRİ ORKESTRİ, A z ә r b. T e l e v i z i y a v ә R a d i o V e r i l i ş l ә r i Q S C S.R ü s t ә m o v a d.
X a l q Ç a l ğ ı A l ә t l ә r i O r k e s t r i – 1931 ildә Azәrb. Radio Verilişlәri Komitәsi yanında Ü.Hacıbәyli tәrәfindәn yaradılmışdır. İlk notlu Azәrb. xalq çalğı alәtlәri ork. olan bu kollektivin tәşkili milli musiqi mәdәniyyәtinin inkişafında böyük rol oynamışdır. Əvvәllәr ork.-in tәrkibi tar, kamança, balaban, dәf vә nağaradan ibarәt olmuş, sonralar ork.-ә tütәk, zurna, qoşanağara, klarnet, qanun, fp. vә s. alәtlәr daxil edilmişdir. Ork. üçün ilk әsәrlәri Ü.Hacıbәyli yazmışdır. O, hәmçinin bir müddәt ork.-ә dirijorluq etmişdir. Ork.-in fәaliyyәtindә bәstәkar S. Rüstәmovun da xidmәti böyükdür. O, 1935–73 illәrdә ork.-in bәdii rәhbәri vә baş dirijoru olmuşdur; 1987 ildә ork.-ә onun adı verilmişdir. Ork.-in repertuarına Azәrb. bәstәkarlarının әsәrlәri ilә yanaşı xarici ölkә xalqlarının da musiqisi daxildir. Kollektiv dünyanın bir çox ölkәsindә qastrolda olmuşdur. 1960 ildә “Əmәkdar kollektiv” fәxri adına layiq görülmüşdür.
Əd.: К е р и м о в К. Оркестр азербайджанских народных инструментов. Б., 1959; Q u l i y e v O. Azәrbaycan xalq çalğı alәtlәri orkestri. B., 1980.
