XALQ TEATRI – teatr bәdii özfәaliyyәtinin bir forması. İlk nümunәlәri xalq tamaşaları olmuşdur (mәrasim, kukla, lal oyunu, yaxud pantomima, qaravәlli tamaşaları, zorxana, atüstü, yallı oyunları vә s.). 19 әsrdә Azәrb.-da geniş yayılmış “şәbih”lәr dә teatrlaşdırılmış quruluşa malik idi. 20 әsrdә yeni tipli xalq teatrları meydana gәlmiş vә onların repertuarına kiçik sәhnәciklәr, vodevillәr vә peşәkar dramaturqların әsәrlәri daxil edilmişdir. Azәrb.-da ilk xalq teatrları 1959 ildә yaradılmışdır. Bir çox halda istedadlı özfәaliyyәt iştirakçıları xüsusi tәhsil almaqla professional kollektivlәrlә peşәkar sәnәtkar sәviyyәsinә yüksәlmişlәr. Azәrb. Dövlәt Gәnc Tamaşaçılar Teatrı, Sumqayıt Dövlәt Dram Teatrı vә s. ozfәaliyyәt kollektivlәrindәn tәşkil olunmuşdur. X.t.-nın repertuarına dünya әdәbiyyatının, habelә Azәrb. yazıçılarının әsәrlәri daxildir.
Azәrb.-da 37 X.t. fәaliyyәt göstәrir (2019). Azәrb.-da X.t.-larının dәstәklәnmәsi, onların potensialının üzә çıxarılması mәqsәdilә 2008 vә 2017 illәrdә xalq teatrları festivalı keçirilmişdir.
