XAMERÓPS (Chamaerops) – palmalar fәsilәsinә aid bitki cinsi. Gövdәsi (hünd. 2–4 m, bәzәn 7 m-әdәk; diametri 30 sm-әdәk) yarpaq qınlarının sәrt liflәri vә saplaq qalıqları ilә örtülmüşdür; gövdә öz әsasından budaqlanır, az hallarda tәkdir. Yarpağın yelpik ayasının diametri 50–80 sm, tikanlı saplağın uz. 1,2 m-ә qәdәrdir. Əsasәn ikievli bitkilәrdir; süpürgә çiçәk qrupunda xırda sarı çiçәklәri olur. Meyvәlәri lәtli çәyirdәklidir (uz. 1–4 sm). Yeganә növü olan kiçik X. (C. humilis) yabanı halda Qәrbi Aralıq dәnizi bölgәsinin (İspaniyadan İtaliyayadәk, Mәrakeşdәn Liviyayadәk) daşlı yamaclarında bitir. X.-un yarpaq qınlarının liflәrindәn (doldurma üçün material, kәndirlәrin, gişlәrin vә s. hazırlanmasında), yarpaq ayalarından (hәsir, sәbәt, şlyapalar toxunmasında) istifadә edilir. Dekorativ bitki kimi becәrilir; qısamüddәtli şaxtalara dözür, meyvә verir vә çox vaxt öz-özünә bitir.
Kiçik xamerops (Chamaerops humilis).
