XANÇJÓU – Çindә şәhәr. Çjetszyan әyalәtinin inz. m. Əh. 8,7 mln. (2010). Şәrqi Çin dәnizindә, Fuçuntszyan (Syantantszyan) çayının mәnsәbindә vә Böyük kanalın sahilindә port.
Əsası 6 әsrdә qoyulmuşdur. 12 әsrdә Sun imperiyasının paytaxtı idi. Sin imperiyası dövründә, 1860-cı illәrdә bir müddәt üsyançı taypinlәrin әlinә keçmişdi. 1895 ildә X. xarici tacirlәr üçün “açıq port” elan edilmişdir. Sinxay inqilabından sonra Çindә keçirilmiş inzibati islahata görә 1912 ildә Xançjou şәhәr idarәsi lәğv edilmişdi. 1927 ildә Xansyan qәzasının urbanizasiyalaşmış hissәsi rәsmәn X. şәhәri kimi ayrılmışdır. 1937–45 illәrdә Yaponiyanın işğalı altında qalmışdır.
Mühüm mәdәniyyәt mәrkәzlәrindәn biridir. Çjetszyan (1897), Xançjou pedaqoji (1908), biznes (1911), Çjetszyan texnologiya (1953), tibb (1953), meşәçilik (1958), elm vә texnologiya (1980), media vә kommunikasiya (1984) un-tlәri, incәsәnәt akademiyası (1928); tәbiyyat tarixi (1929; 1984 ildәn indiki statusu ilә), Milli (1959), Milli çay (1991), Milli Çin ipәyi (1992), rәssamlıq (2009) muzeylәri vә s. fәaliyyәt göstәrir. İdman mәrkәzi, Milli park (nәzdin dә mәbәd vә bir neçә tarixi kәnd evi), botanika bağı (1956), zoopark (1958) var. İqlim kurortudur. Turizm inkişaf etmişdir.
H. Çinin sahilboyu zonasının mühüm istehsal bazası vә logistika qovşağı, ipәk sәnayesi mәrkәzidir.
2001 ildә X.-nun ÜDM-i 156,8 mlrd. yuan tәşkil etmişdir, bu bütün әyalәt paytaxtları arasında Quançjoudan sonra ikinci göstәrici idi. 2017 ildә şәhәrin ÜDM-i tәqr. 1,2556 trl. yuana, adambaşına düşәn ÜDM isә tәqr. 136 mln. yuana yüksәlmişdir. Şәhәrdә tibb, informasiya texnologiyaları, ağır avadanlıqlar, avtomobil hissәlәri, mәişәt elektrik cihazları, elektronika, tele kommunikasiya vә yeyinti sәnayesi daxil olmaqla yeni sahәlәr yaranmışdır.
Xançjou Syaoşan beynәlxalq aeroportu vә Xançjou portunun yaxınlığında yerlәşәn X. ixracat zonası 2000 ildә yaradılmışdır. 1991 ildә yaradılmış “Hangzou Hi-Tech İndus trial Zone”-da (HHTZ) tәqr. 1100 proqram tәminatı istehsalçısı fәaliyyәt göstәrir (2013). Burada “Motorola”, “Nokia”, “Siemens” kimi iri şirkәtlәrin elmi-tәdqiqat mәrkәzlәri fәaliyyәt göstәrir. Dünyanın әn iri “B2B” onlayn portalı vә dәyәr baxımından Çinin birinci vebsaytı olan “Alibaba Group”un baş ofisi bu zonadadır.
