XANLAROV Kamil Əlabbas oğlu (9.3.1915, Bakı – 1.1.1996, Bakı) – Azәrb. rәssamı. Azәrb. Resp. xalq rәssamı (1992). 1931–35 illәrdә Azәrb. Dövlәt Rәssamlıq Texnikumunda tәhsil almışdır. Mühüm әsәrlәri, әsasәn, tarixi mövzulara hәsr olunmuşdur (“Mәzdәk edamqağabı”, 1941; “Cavanşir işgalçılara qarşı vuruşmada”, 1941; “Rusiya elçilәri Fәtәli xanın yanında”, 1982). Yaradıcılığında mәnzәrә janrı geniş yer tutmuşdur (“Zaqatala mәnzәrәsi”, 1947; “Şuşanın әftrafı, 1957; “Arazın sahilindә”, 1965; “Bilgәh axşamı”, 1964; “Cәnub sәrhәdindә”, 1972; “Şuşa”, 1983; “Ceyranbatan gölü”, 1987 vә s.). Əmәk mövzusunda tabloları (“Bulaq başında”, 1956; “Sahәdә”, 1963; “Azәrbaycan tarlalarında”, 1967 vә s.), natürmortları (“Şәrq natürmortu”), 1961 il Çexoslovakiya sәfәrinin tәәssüratları әsasında yaratdığı әsәrlәri (“Praqada küçә”, “Karlovı Varıda meydan”, “Praqada qüllә” vә s.) var. X. dәzgah rәngkarlığının müxtәlif janrlarında, hәmçinin teatr (“Nüşabә”, Abdulla Şaiq; 1947) vә kino (“Kәndlilәr”, “Fәtәli xan”; geyim eskizlәri) rәssamlığı sahәsindә fәaliyyәt göstәrmişdir. Əsәrlәri Avstriya, Fransa, Almaniya, Misir, Türkiyә, Polşa vә s. ölkәlәrdә keçirilәn sәrgilәrdә nümayiş etdirilmişdir. 1938–85 illәrdә Azәrb. Dövlәt Rәssamlıq Texnikumunda pedaqoji fәaliyyәt göstәrmişdir.
Əd.: Камиль Ханларов. Живопись. Каталог выставки. Б., 1986.
K.Ə.Xanlarov. “Bilgәh axşamı”. 1964. Azәrbaycan Milli İncәsәnәt Muzeyi.
