XANMƏMMƏDOV Hacı Dadaş oğlu (15.6.1918, Dәrbәnd – 7.4.2005, Bakı) – Azәrb. bәstәkarı, dirijor. Azәrb. SSR xalq artisti (1988). Prof. (1988). Azәrb. SSR әmәkdar incәsәnәt xadimi (1967). Bakı Orta İxtisas Musiqi Mәktәbinin tar sinfini (S.Rüstәmovun sinfini, 1937) vә Azәrb. Dövlәt Konservatoriyasının bәstәkarlıq fakültәsini (1952, Q.Qarayevin sinfini) bitirmişdir. X. 1934–38 illәrdә Azәrb. xalq çalğı alәtlәri ork.-ndә, 1936–66 illәrdә Azәr b . Dövlәt Akademik Opera vә Balet Teatrında (fasilә ilә), 1938– 66 illәrdә Azәrb. Dövlәt Musiqili Komediya Teatrında (dirijor kimi; fasilә ilә) fәaliyyәt göstәrmişdir. 1946 ildә Tәbriz Filarmoni yasının, 1952–54 illәrdә Azәrb. Dövlәt Mahnı vә Rәqs Ansamblının bәdii rәhbәri, 1966–68 illәrdә Azәrb. Dövlәt Filarmoniyasının direktoru olmuşdur. X. musiqinin müxtәlif janrlarında vokal vә instrumental әsәrlәrin müәllifidir: “Azәrbaycan eskizlәri” (1954), “Bayram” (1955), “Azәrbaycan” (1980) süitaları, xalq çalğı alәtlәri ork. üçün simfoniyetta (1956), “Bir dәqiqә” (1961), “Bütün әrlәr yaxşıdır” (1971) operettaları, tar ilә simfonik ork. üçün 5 konsert (1952, 1966, 1973, 1984, 1993; 1-ci konserti Azәrb.-da bu janrda yazılmış ilk әsәrdir). Arfa ilә simli ork. üçün konserti (1978), kamança ilә simfonik ork. üçün 2 konserti (1987, 1991), “Əlimdә sazım ağlar” (Ə.Cәfәrzadәnin sözlәrinә, solist vә xalq çalğı alәtlәri ork. üçün, 1991) poeması var. X. mahnı bәstәkarı kimi dә tanınmışdır (“Yaşa könül”, “Gözünә qurban”, “Getmә, amandır”, “Qurban olduğum”, “Ceyran”, “Gözüm düşdü” vә s.). 1934–72 illәrdә Bakı Orta İxtisas Musiqi Mәktәbindә dәrs demiş, hәmçinin 1957 ildәn Azәrb. Dövlәt Konser vatoriyasında pedaqoji fәaliyyәt göstәmişdir. Haqqında “Ötәn әsrdәn gәlәn adam (2003), “11 teldә simfoniya. Hacı Xanmәmmәdov” (2016) sәnәdli filmlәri çәkilmişdir. Azәrb. Resp.-nın “Şöhrәt” ordeni ilә tәltif edilmişdir.
