XARDAL YARPAQYEYƏNLƏRİ – xaç çiçәkli bitkilәrin zәrәrvericilәri olan yarpaqyeyәnlәr fәsilәsindәn böcәklәr. Bәdәninin uz. 4–7 mm, rәngi tünd-göy, yaxud yaşılımtıl-göydür. Ən zәrәrli 3 növü – Qәrb X.y.-nә (Colaphellus sophiae), әsasәn Orta Avropada, şәrq X.y. (Col. hoefti) Rusiyanın c. vә ş.-indә, Qafqazda, Qәrbi Sibirin c.-unda, Orta vә Kiçik Asiyada, Sibir X.y.-nә (Col. alpinus) isә Şәrqi Sibirdә vә Monqolustanda rast gәlinir.
İldә bir dәfә nәsil verirlәr. Böcәklәr torpağın üst qatında qışlayırlar. Yazda alaq otlarının vә becәrilәn xaççiçәklilәrin yarpaqlarını yeyirlәr. Bitkilәrin üzәrinә vә torpaq topalarının altına 10–20 yumurta (cәmi 300-әdәk) qoyurlar. Sürfәlәri yarpaqları, qonçәlәri, çiçәklәri yeyir, çox vaxt mәhsulun tam mәhvinә sәbәb olur. Torpaqda puplaşır. M ü b a r i z ә t ә d b i r l ә r i: erkәn dondurma şumu, alaq otları ilә mübarizә, әkin sahәsinin insektisidlәrlә işlәnmәsi.
Şәrq xardal yarpaqyeyәni (Colaphellus hoefti).
