XARİCİ HÜQUQ NORMALARININ TƏTBİQİ – bir dövlәtin hüquq normalarının başqa dövlәt әrazisindә tәtbiqinin әsasları vә hüdudlarını tәnzimlәyәn hüquq normalarından ibarәt beynәlxalq xüsusi hüquq institutu.
Xarici hüquq müvafiq dövlәtin әrazisindә yalnız milli hüquqda bu haqda birbaşa göstәrişlәr olduğu halda tәtbiq edilә bilәr. Milli hüquq xarici hüquq tәtbiqinin qaydasını, onun mәzmununu, hәmçinin tәtbiqetmә hüdudlarını müәyyәnlәşdirir. Xarici hüquq beynәlxalq ümumi hüququn hamı tәrәfindәn tanınmış prinsiplәrinә müvafiq şәkildә tәtbiq edilmәlidir. Dövlәtin müvafiq mәhkәmәsi xarici hüququ mәnsub olduğu ölkәdә necә tәtbiq edilirsә, o cür tәtbiq etmәlidir. Xarici hüquq tәtbiqinin әsaslarını dövlәtlәrin milli qanunvericiliyi müәyyәnlәşdirir.
Xarici hüquq normalarının tәtbiqi Mülki, ailә vә cinayәt işlәri üzrә hüquqi yardım vә hüquqi münasibәtlәr haqqında Konvensiyada (1993) nәzәrdә tutulmuşdur. Belә ki, boşanma haqqında işlәrdә әr-arvadın әrizә verdiklәri anda vәtәndaşı olduqları tәrәfin qanunvericiliyi әsas götürülür. Əgәr әr razılaşma tәrәflәrindәn birinin, arvad isә digәrinin vәtәndaşıdırsa, o zaman boşanma işi nә baxan mәhkәmәnin mәnsub olduğu tәrәfin qanunvericiliyi tәtbiq edilir.
