XARRATLIQ İŞLƏRİ – ağac materiallarının (taxtanın) dülgәrlik işlәrinә nisbәtәn daha dәqiq vә daha zәrif emalı. Əl ilә, dülgәrlik vә xarratlıq alәtlәri vasitәsilә yerinә yetirilәn X.i.-lәrinә xarratlıq mәmulatlarının nişanlanması, mexaniki emalı (pәstahın mişarlanması vә rәndәlәnmәsi, onların üzәrin dә yuvalar açılması, burğulanması, hamarlanması, cilalanması vә s.), yapışdırılması, şponla üzlәnmәsi, yığılması vә bәzәdilmәsi әmәliyyatları daxildir. Mexaniki xarratlıq istehsalatında ağac materiallarının emalı vә yığılması avtomatlaşdırılmış axın xәtlәrindә yerinә yetirilir. Nişanlama işlәri proqramla idarәolunan ağac emalı dәzgahlarının tәtbiqi sayәsindә demәk olar ki, aradan qaldırılmış, ağac sәthinin bәzәdilmәsi işlәri isә müstәqil istehsalat tsiklinә çevrilmişdir. İnşaat xarratlıq mәmulatlarının hazırlanmasının ağac materiallarını emal edәn müәssisәlәrdә mәrkәzlәşdirilmәsi nәticәsindә X.i. quraşdırma vә hazır konstruksiya elementlәrinin layihә vәziyyәtinә uyğunlaşdırılıb bәrkidilmәsi mәrhәlәlәrinә ayrılır. Mәs., pәncәrә, balkon vә qapı bloklarının divarlarda yerlәşdirilmәsi, arakәsmә, panel vә divar mebellәrinin (divar şkafı, sәndәli vә s.) yerinә qoyulması, haşiyәlәrin, döşәmә taxtalarının vurulması vә s. İri panel vә bloklardan quraşdırılan binalarda bütün X.i. evtikmә kombinatlarında yerinә yetirilir.
Yalnız kiçik hәcmli tikinti obyektlәrindә, mәs., fәrdi tikililәrdә vә s., hәmçinin tәmir işlәrindә inşaat xarratlıq detal vә mәmulatları yerlәrdә hazırlanır.
