XASKALAR, S i b i r x a s k a l a r ı [ing.husky – xırıltılı, kobud (yetkin Х. hürmürlәr, ulayırlar, adları buradandır)], – qoşqu it cinsi. X.-ın әcdadları – Çukotka yerli qoşqu itlәridir, Alyaskaya “qızıl qızdırması” zamanı 1908 ildә gәtirilmişdir. Cins Amer. Kennel klubu tәrәfindәn 1930 ildә tanınıb; cinsin standartı 1932 ildә, mövcüd FCI (Beynәlxaq Kinologiya Federasiyası) standartı – 2000 ildә tәqdim olunmuşdur. Orta ölçülü (cidov hünd. 50,5– 60 sm), bәdәn quruluşu yığcam, azacıq uzunsov formada olur. Gözlәri badamı, çәpәki yerlәşmiş, rәngi buzlu-mavidәn demәk olar ki, qarayadәk (mәrmәri vә ya müxtәlif rәngli olması mümkündür) dәyişir. Tüklәri ikiqatdır: qıl tüklәri düzdür, zәrif yunu qalın, sıxdır. Rәnginin ağdan qarayadәk dәyişmәsi mümkündür, başında qaş-qalar ola bilәr. X. fәal, mehriban vә sakitdirlәr. X. kompanyon it kimi, kinoloji idman növlәri ilә mәşğul olmaq üçün saxlanılır.
Xaska it cinsi.
