XÁSKOVO – Bolqarıstanın c.-unda şәhәr. Xaskovo vil.-nin inz. m. Əh. 88,4 (2016) 75,6 min (2012). Dimitrovqrad ş. ilә birlikdә vahid sәnaye qovşağı tәşkil edir.
Arxeoloqların fikrincә, indiki şәhәrin әrazisindә ilk mәskәn Neolit dövrünün ortalarında, tәqr. e.ә. 5000 ildә meydana gәlmişdir. 1230 ildә Klokotnitsa vuruşmasında bolqarçarı II İvan Asen әvvәl imzalanmış sülh müqavilәsinә baxmayaraq, bolqar torpaqlarına soxulmuş imperator Feodor Komninin qoşunlarını X. yaxınlığında mәğlubiyyәtә uğratmışdı. 1950-ci illәrdә şәhәr iri tütün sәnayesi mәrkәzi idi. 1980-ci illәrdә X. iqtisadiyyatının әsasını maşınqayırma, toxuculuq, tütün vә tamlı mәhsullar sәnayesi tәşkil edirdi.
Hazırda yeyinti (qәnnadı mәmulatları), yüngül sәnaye sahәlәri (pambıq mәmulatlar, ipәk parça, xalçaçılıq, şaltoxuma) vә avadanlıq istehsalı önәmli yer tutur.
Tarix muzeyi, rәssamlıq qalereyası, dram teatrı; mәscid (1395) var. Hәr il folklor festivalı keçirilir.
