XEFÉY – Çinin ş.-indә şәhәr. Anhoy әyalәtinin inz. m. Əh. 5,1 mln. (2020). Nәql. qovşağı.
E.ә. 221 ildә Sin imperiyası yarandıqdan sonra bu әrazidә Szyutszyan dairәsinin idarәçilik orqanları yerlәşdirildi. E.ә. 206 ildә Syan Yuy burada Szyutszyan hakimliyini yaratdı, dörd il sonra onu Xuaynan hakimliyi adlandırdı. E.ә. 122 ildә X. qәzası yaradıldı. Taypin üsyanı (1851–64) zamanı Luçjounun inz. m., 1853–61 illәrdә Anxoy әyalәti qubernatorunun müvәqqәti iqamәtgahı idi. 1912 ildә X. qәzası birbaşa Anxoy әyalәti hökumәtinin tabeliyinә keçdi. İkinci dünya müharibәsi illәrindә Anxoy әyalәti yapon qoşunları tәrәfindәn tutuldu; Yaponiya tәslim olduqdan sonra X. qәzası 1945 ildә X. ş.-nә çevrildi. 1946 ildә Qomindan hökumәt orqanları X.-ә köçürüldü. Çindә vә tәndaş müharibәsi gedişindә X. kommunistlәrin nәzarәtinә keçdi (1949, 21 yanvar).
X. Şәrqi Çinin iri elmi-texniki vә tәhsil mәrkәzidir. Şәhәrdә 30-dan çox un-t vә ali tәhsil mәktәbi, hәmçinin 50-dәn çox texniki peşә mәktәbi fәaliyyәt göstәrir. Ən mühümlәri Çin elm vә texnologiyalar un-ti, Xefey politexnik un-ti vә Anhoy un-tidir. X.-dә 190-dan çox elmi tәdqiqat in-tu vә müәssisәsi, o cümlәdәn Çin EA-nın Xefey bölmәsi yerlәşir.
Xefey şəhərindən görünüş.
Şәhәrin әrazisindә 3 iqtisadi vә elmi-texniki mәnimsәnilmә parkı yerlәşmişdir. X.-in texniki-iqtisadi mәnimsәnilmә zonası (ümumi sah. 53 km2) rәsmәn 1993 ildә açılmışdır. 2016 ildә zonanın ÜDM-inin hәcmi 91,12 mlrd. dollar; sәnaye mәhsullarının istehsalı 19,3 mlrd. dollar tәşkil etmişdir. Burada tәqr. 300 müxtәlif müәssisә, o cümlәdәn Çindә әn iri paltaryuyan maşın vә televizor istehsalçılarından biri olan “Haier” fәaliyyәt göstәrir. Xarici kapital ilә işlәyәn müәssisәlәr: “Hitachi” (ekskavator istehsalı);
“GT Radial” (avtomobil tәkәrlәri istehsalı).
Şәhәr vә onun әtrafı Çinin әn iri k.t. mәrkәzi, k.t. istehsalı vә әkinçiliyin inkişaf sәviyyәsinin yüksәk olduğu 25 regiondan biridir. X. әtrafında şumluq әrazilәrin ümumi sah. 279 min ha, bunun tәqr. 2/3-si çәltik sahәlәridir.
Xefey. Qu gölü.
Şәhәrin, ÇXR Dövlәt şurası tәrәfindәn tәsdiqlәnmiş “xarici maliyyә fәaliyyәti üçün açıq” statusu var; bu, xarici bankların X.-dә fәal maliyyә fәaliyyәtini genişlәndirmişdir vә şәhәr iqtisadiyyatına әlavә investorları cәlb etmişdir.
1980 ildәn başlayaraq “açıq şәhәr” kimi X. bir çox xarici şәhәrlә: Kurume (Yaponiya), Ohayo vә Kolumbiya (ABŞ), Olborq
(Danimarka), Fritaun (Syerra-Leone), Bujum bura (Burundi), Layda (İspaniya) vә s. müntәzәm ticari-iqtisadi әlaqәlәr yaratmışdır. Şәhәrdә 100% xarici kapitalı ilә işlәyәn müәssisәlәr “Philco”, “Coca-Cola” vә “Maytag” (ABŞ); “Sanyo Electrics”, “Hitachi Construction Machinery” vә “Mitsubishi Heavy Engineering” (Yaponiya); “Unilever” (B.Britaniya); “ABB” (İsveçrә); “Maroni” (İtaliya); “Chiatai” (Tayland); “Prim well” (Sinqapur) vә s. bu kimi şirkәtlәrin filialları var.
