XÉYFİTS İosif Yefimoviç (17.12.1905, Minsk – 24.4.1995, S.-Peterburq) – Rusiya kinorejissoru, SSRİ xalq artisti (1964), Sosialist Əmәyi Qәhrәmanı (1975). SSRİ Dövlәt mükafatı laureatı (1941, 1946). 1927 ildә Leninqrad ekran sәnәti texnikumunu, 1930 ildә İncәsәnәt Tarixi İn-tunu bitirmişdir. Kinoda ssenarist kimi fәaliyyәtә başlamışdır.
1929 ildәn A.Q.Zarxi ilә birgә müxtәlif janrlı filmlәr çәkmişdir: “Üzü külәyә” (1930, sosial dram), “Günorta” (1931, әxlaqi-etik melodram), “Mәnim Vәtәnim” (1933, tarixi-ingilabi kino povest), “Qızğın günlәr” (1935, lirik komediya). “Baltika deputatı” (1937, Paris beynәlxalq sәrgisinin Qran-pri mükafatı; Venesiya Beynәlxalq kinofe stivalının mükafatı), “Hökumәt üzvü” (1940) vә “Malaxovkur qanı” (1944) әn uğurlu filmlәrindәndir. X. 1950 ildәn müstәqil fәaliyyәt göstәrmişdir. “Böyük ailә” (1954, Kann Beynәlxalq kino festivalının mükafatı), “Rumyansevin işi” (1956, Karlovi-Vari Beynәlxalq kino festivalının mükafatı), “Mәnim әziz adamım” (1958), “İt gәzdirәn xanım” (1960, Kann Beynәlxalq kinofesti valının mükafatı), “Pis yaxşı adam” (1973), “Asya” (1978), “Horizont” (1962), “Xoşbәxtlik günü” (1964) “Yeganә gadın” (1976), “İlk dәfәәrdә” (1980, Karlovi-Vari Beynәlxalq kinofestivalının mükafatı), “Şuracan” (1983) adlı filmlәri var. Digәr filmlәri: “Onun adı Suxe-Batordur” (1942), “Hәyat naminә” (1947), “Qiymәtli toxumlar” (1948), “Bakının işıqları” (1958; rej.-lardan biri), “Yaponiyanın darmadağın edilmәsi” sәnәdli filmi (1945 – hamısı Zarxi ilә birgә), “Salyut, Mariya” (1971), “Yada salaq, yoldaş!” (1987) vә s. Öz filmlәrinin ssenarilәrinin müәllifi vә hәmmüәllifidir. Lenin ordeni ilә tәltif olunmuşdur.
Əd.: П е т р о в и ч А.И. Хейфиц. М., 1965.
