XƏLƏFLİ Ayvaz Alı oğlu (d.1.10.1942, Göyçә mahalı, Cil k.) – Azәrb. geofiziki. Geologiya-mineralogiya e.d. (2003), prof. (2008). 1965 ildә ADU-nun (indiki BDU) fizika fakültәsini bitirmişdir. 1967 ildәn AMEA-nın Geologiya İn-tunda (indiki Geologiya vә Geofizika İn-tu) “Yer maqnetizmi vә paleomaqnetizmi” laboratoriyasında böyük mühәndis vәzifәsindә әmәk fәaliyyәtinә başlamışdır. 1968–71 illәrdә Leninqrad (indiki Sankt-Peterburq) ş.-ndә Arktika ETİ-nin aspiranturasında oxumuş, 1972–77 illәrdә bu in-tda kiçik elmi işçi, Dağ-mәdәn Mexanikası vә Markşeyder işlәri İn-tunda baş mühәndis vәzifәlәrindә çalışmışdır. 1977–98 illәrdә AMEA-nın Geologiya İn-tunda Yer fizikası bölmәsindә aparıcı mühәndis, kiçik elmi işçi, elmi işçi vә aparıcı elmi işçi; 1998–2001 illәrdә BDU-da aparıcı elmi işçi vәzifәlәrindә çalışmışdır; 2001 ildәn “Seysmologiya vә Yer tәkinin fizikası” kafedrasının dosentidir. Elmi tәdqiqatları Kiçik Qafqazın Mezozoy-Kaynozoy komplekslәrinin paleomaqnetizmi vә palinspastik bәrpası sahәsi üzrәdir. X. paleomaqnit tәdqiqatlardan alınan nәticәlәrә әsaslanaraq, Kiçik Qafqazın Üst Tәbaşir süxurlarını müqayisә etmәk vә tәrkib hissәlәrinә ayırmaq üçün istinad maqnit-stratiqrafik şkalası qurmuş, Kiçik Qafqazın tektonik inkişaf sxemini tәklif etmişdir. 70-dәn çox elmi әsәrin, o cümlәdәn 1 monoqrafiyanın müәllifidir. Elmi kadrların hazırlanmasında xidmәti var.
Ə s ә r l ә r i: Kiçik Qafqazın şәrq hissәsinin Üst Tәbaşir süxurlarının paleomaqnetizmi. B., 1998; Палеомагнетизм и проблемы сдвиговых деформаций Малого Кавказа. Б., 2006.
