XƏLƏFOV Abuzәr Alı oğlu (25.12.1931, Erm. SSR, Basarkeçәr r-nunun Cil. k. – 27.4.2020, Bakı) – Azәrb. kitabxanaşünası, pedaqoq. Tarix e.d. (1975), prof. (1978). Azәrb. Resp. әmәkdar mәdәniyyәt işçisi (1969), әmәkdar elm xadimi (2001). BDUnun filologiya fakültәsinin kitabxanaşünaslıq vә biblioqrafiya şöbәsini bitirmişdir (1955). 1955–78 illәrdә kitabxanaçılıq fakültәsindә müәllim, baş müәllim, dosent işlәmiş, 1962–1970, 1980 – 95 illәrdә hәmin fakültәnin dekanı, 1963 ildәn 2016 ilәdәk kitabxanaşünaslıq kafedrasının müdiri olmuşdur. Resp.-da kitabxanaşünaslıq elminin әsaslarını qoyanlardan biri olan X. әn qәdim dövrlәrdәn müasir dövrә qәdәr Azәrb.-da kitabxana işinin tarixini vә istiqamәtlәrini hәrtәrәfli tәdqiq etmişdir. Yüksәkixtisaslı kitabxanaçı-biblioqraf kadrlarının hazırlanmasında xidmәtlәri olmuşdur. “Kitabxanaşünaslıq vә informasiya” elminәzәri vә tәcrübi jurnalının tәsisçisi vә baş redaktoru idi. Azәrb. Resp.-nın “Şöhrәt” (2000) vә “Şәrәf” (2019) ordenlәri ilә tәltif olunmuşdur.
Ə s ә r l ә r i: Azәrbaycanda kitabxana işinin tarixindәn (1870–1920). B., 1960; Sovet Azәrbaycanında kitabxana işinin tarixi (1920–32). B., 1960; Azәrbaycanda kitabxana işinin tarixi (1933–1958). B., 1974; Kitabxanaşünaslığa giriş. 1–2 hissә, B., 2001, 3 hissә, B., 2003; Azәrbaycanda kitabxana işinin tarixi. 3 hissә dә, B., 2010.
