XƏLFƏ (Khalfa) Bualem (27.3. 1923, Kolea – 6.7.2017, Paris ) – Əlcәzair yazıçısı, şair, jurnalist, ictimai xadim. Fransız dilindә yazmışdır. 1953 ildә “Püşk” hekayәsini nәşr etdirmişdir. 1954 ildәn gizli nәşr edilәn “La Liberte” (“Azadlıq”) qәzetinin redaktoru olmuşdur. Əlcәzair milli azadlıq müharibәsindә iştirak etmiş, 1957 ildә hәbsxanaya salınmış, 1961 ildә oradan qaçmışdır. 1962–65 illәrdә “Əlcәzair respublikası” (“Alger Republicain”) qәzetinin yazarı vә direktoru olmuşdur. “Döyünәn ürәk” şeirlәr silsilәsi (1969), “Etiraf” vә “1974-cü ilin baharı” (hәr ikisi 1976) şeirlәri 1960–70-ci illәr Əlcәzair vәtәndaş lirikasının zirvәsi hesab olunur. Hәbsxanada yazdığı bütün şeirlәri “İnam” (1961) kitabında toplanmışdır. Bәzi şeirlәri Azәrb. dilinә tәrcümә olunmuşdur.
Ə s ә r l ә r i: Стихи, в кн.: Поэты Алжира. М., 1965; Стихи, в кн.: Цветы ноября. М., 1972; Утро моего народа. М., 1977.
