XƏLİLOV Fәrhad Qurban oğlu (d.26.11.1946, Bakı) – Azәrb. rәssamı. Azәrb. Resp. xalq rәssamı (2002), әmәkdar incәsәnәt xadimi (1988). Ə.Əzimzadә ad. Azәrb. Dövlәt Rәssamlıq Mәktәbini (1966), S.Q.Stroqanov ad. Moskva Dövlәt İncәsәnәt vә Sәnaye Akademiyasını vә Moskva Poliqrafiya İntunu (1975) bitirmişdir.
Yaradıcılığında Abşeron mövzusu mühüm yer tutur: “Dәnizә gedәn yol” (1965), “Qәdim tut ağacı” (1967), “Mәrdәkanda yağış” (1967), “Goradil” (1967), “Mәrdәkanda hәyәt” (1967), “Axşam düşür” (1972), “Buzovnada qürub çağı” (1973–74), “Çiçәklәyәn badam ağacı” (1976), “Buzovna” (1983), “Meşәdә işıq” (1984), “Kәnd küçәsi” (1989) vә s. Digәr әsәrlәri arasında “Görüş” (1983–2007), “Axşamlar” (1984), “Qarabağ” (1993), “Yerin naxışları” (2000), “Sahildә yay fәsli” (1984–2002) vә s. var. Əsәrlәri Bakıda vә bir sıra xarici ölkәdә (B.Britaniya, Rusiya, Gürcüstan vә s.) nümayiş etdirilmişdir. Bir çox tablosu dünya muzeylәrindә vә şәxsi kolleksiyalarda saxlanılır. 1987 ildәn Azәrbaycan Rәssamlar İttifaqının sәdridir. Azәrb. Resp.-nın “Şöhrәt” (2006) vә “Şәrәf” (2016) ordenlәri ilә tәltif olunmuşdur.
F.Xәlilov. “Çiçәklәyәn badam ağacı”. 1976.
