XƏLİLOV İsa Əli oğlu (d. 2.5.1961, Gürc. SSR, Bolnisi r-nunun Faxralı k.) – maşınqayırma sahәsindә Azәrb. alimi, texnika e.d. (2014), prof. (2018), әmәkdar müәllim (2020). Azәrb. Politexnik İn-tunu (AzPİ) bitirmişdir (1983). Bakı Mәişәt Kondisionerlәri z-dunda mühәndis-texnoloq (1983–84), AzPİ-dә (indiki AzTU) assistent, (1987–91), dekan müavini (1990–98), dosent (1991–2013), rektor mәslәhәtçisi (2005–08), prof. (2015) vәzifәlәrindә işlәmişdir. 2021 ildәn AzTUda kafedra müdiri, eyni zamanda tәrbiyә işlәri üzrә prorektordur (2008). Elmi işlәri maşınların intiqalının dinamikası, intiqal sistemindәki araboşluqların qiymәtinin vә sayının muftaya tәsir edәn zәrbә momentinә tәsirinin analizi, dişli muftaların sistemli ehtimal hesabı alqoritminin işlәnilmәsi, maşınların yaradılmasının texniki әsasları vә s. sahәsindәdir. 100-dәn çox elmi әsәrin, o cümlәdәn 1 monoqrafiyanın müәllifidir. Beynәlxalq konfrans vә simpoziumlarda mәruzә ilә çıxış etmişdir.
Ə s ә r i: İntiqal muftalarının seçilmәsinin nәzәri әsasları. B., 2011.
