XƏYYAT MİRZƏ (1885, indiki Tovuz r-nu, Bozalqanlı k. – 25.12.1922, orada) – Azәrb. aşığı. Dәrziliyi öyrәnmiş, buna görә xalq içәrisindә “Xәyyat” tәxәllüsü ilә tanınmışdır. Aşıq şeirinin әksәr forma vә şәkillәrindә nümunәlәr yaratmış, daha çox xalq şeiri üslubunda yazdığı qoşma, gәraylı, qoşayarpaq, tәcnis, müxәmmәslәri ilә şöhrәt tapmışdır. Şeirlәri yüksәk bәdii sәnәtkarlığı, poetik dilinin sadәliyi ilә seçilir. Yaradıcılığında mәhәbbәt mövzusu әsas yer tutur. Müasirlәri Molla Cuma, Şair Vәli, Aşıq Hüseyn Bozalqanlı vә b. ilә deyişmişdir. Yaşadığı dövrә hәsr olunmuş şeirlәri var.
Ə s ә r l ә r i: Xәyyat Mirzә. B., 1966; Şeirlәr. “Azәrbaycan aşıqları vә el şairlәri”, kitab 2. B., 1984.
Əd.: A r a s l ı H., Aşıq yaradıcılığı. B., 1960; N a m a z o v Q., Aşığın sazı vә sözü. B., 1980.
