XINALIQ – Azәrb. Resp.-nın Quba r-nunda kәnd. Xınalıq ә.d.-nin (Xınalıq, Qalayxudat kәndlәri daxildir) mәrkәzi. R-n mәrkәzindәn 57 km c.-q.-dә, Baş Qafqaz silsilәsi ilә Yan silsilә arasında, Qudyal çayının sahilindәdir. Əh. 2030 (2019); heyvandarlıqla mәşğuldur. İnternat tipli tam orta mәktәb, sәnәtkarlıq evi, kitabxana, poçt, hidromete oroloji vә seysmoloji st., tibb mәntәqәsi var.
Kәndin erkәn orta әsrlәrdә salındığı ehtimal olunur. Əsasәn, dağ kәndlәri üçün sәciyyәvi üslubda planlaşdırılmışdır; bir evin damını digәr ev hәyәt kimi istifadә edir. X.-ın c.-ş.-indә tәsәrrüfat işlәri zamanı aşkar edilmiş qәbirlәrdәn orta әsrlәrә aid gil qab, muncuq vә s. tapılmışdır. Qafqazın әn yüksәk dağ kәndlәrindәn olan X. digәr yaşayış mәntәqәlәri ilә, әsasәn, yay aylarında әlaqә saxlayır. Dağ çәmәnlәrinin çoxluğu hәlә qәdimdәn maldarlığın inkişafına şәrait yaratmışdır. Əhali, әsasәn, qoyunçuluqla mәşğul olur. Toxuculuq (xalça, kilim, corab vә s.) inkişaf etmişdir.
19 әsrә aid Xıdır Nәbi türbәsi, Pir Comәrd, Əbu Müslim, Şeyx Şalbuz mәscidlәri vә s. qalmışdır. Əbu Müslim mәscidinin ağac sütunları oyma üsulu ilә müxtәlif nәbati naxışlar vә göl tәsvirlәri ilә bәzәdilmişdir.
Xınalıq kәndi.
