XIRDALƏÇƏK (Erigeron) – mürәkkәbçi çәklilәr fәsilәsindәn bitki cinsi. Əsasәn, Şimali Amerikada yabanı halda bitәn 200-dәn çox növü var. Azәrb.-da 7 növü mәlumdur. Kanada X. (E. canadensis), qıvrım X. (E. crispus), qәşәng X. (E. venustus), Qafqaz X. (E. caucasicus), bir sәbәt X. (E.uniflorus), Alp X. (E. alpinus), Şәrq X. (E.orientalis) yayılmışdır. Bir-, iki- vә çoxillik ot bitkisi vә yarımkollardır (hünd. 1 m-әdәk). Yarpaqları lansetvari, yaxud xәttilansetvari, oturaqdır. Çiçәklәrinin kәnarları dilcikşәkilli (bәnövşәyi, göy, narıncı vә. s rәnglәrdә), orta hissәsi boruşәkillidir (sarı), salxım, qalxan, süpürgә çiçәk qrupu әmәlә gәtirәn tәk-tәk sәbәtlәrdә toplanmışdır. X. iyun ayından oktyabradәk çiçәklәyir, çiçәklә mәmüddәtlәri bitkinin növündәn asılıdır. Bitkilәr, әsasәn, işıqsevәn, quraqlığa davamlıdır. Bәzәk bitkisi kimi becәrilir: sadә vә sәdbәr çiçәkli yaraşıqlı X. (E. speciosus), çiçәkqrupu sadә, tәk-tәk, alçaqboylu bitki olan narıncı X. (E. aurantiacus), hәmçinin müxtәlif rәngli sadә, yarımsәdbәr, yaxud sәdbәr sәbәtciklәrdә yerlәşәn hibrid X (E. hybridus). X.-dәn çiçәkliklәrdә vә kәsmәk üçün istifadә edilir. Toxumlarla, kolların bölünmәsi yolu ilә vә qәlәmlә çoxaldılır.

Yaraşıqlı xırdalәçәk (Erigeron speciosus).