XİAZMODONKİMİLƏR, x i a z m o d o n t k i m i l ә r, d i r i u d a n l a r (Chiasmo dontidae) – xanıkimilәr dәstәsindәn balıq fәsilәsi. Bәdәni 10–30 sm uz.-da, dartılmış, pulcuqsuzdur. Rәngi qara vә ya qәhvәyidir. Qılıncvarı dişlәri iki vә daha artıq cәrgәdә yerlәşmişdir. Ovunu udarkәn bu yırtıcı balığın mәdәsinin vә bәdәninin divarları öz ölçüsündәn vә kütlәsindәn 6–12 dәfә artıq genәlә bilir. Pseudoscopelus cinsinә aid növlәrin bәdәnindә işıqsaçma orqanları – fotoforlar vardır. 4 cinsi (Chiasmodon, Dysalotus, Kali, Pseudos copelus), tәqr. 30 növü var. Tropiklәrdәn mülayim zonaya qәdәr Dünya okeanınin suqatlarında (250–300 m-dәn artıq dәrinlikdә) yaşayırlar. X. tuneslәrin, marlinlәrin vә b. balıqların yemidir.
Qara diriudan (Chiasmodon nigeria).
