XİLOTERİLƏR (Chilotherium) – nәsli kәsilmiş kәrgәdanlar cinsi. Avrasiyanın Neogen dövründә tәqr. 10 növü olmuşdur. Bәdәninin uz. 3 m-әdәk, cidov hünd. 1,5 mdir; buynuzsuz, pota, nәhәng gövdәli olmuşlar. Ətrafları qısa, üçbarmaqlı imiş. Kәllәsi nisbәtәn yastı, alt çәnәsi ön tәrәfdәn enlilәşmişdir; bir cüt kәsici dişlәri qılınc dişlәr (erkәk fәrdlәrdә daha güclü inkişaf etmişdir) kimi qabağa çıxmışdır. Bitkilәri qazıb çıxartmaq vә yırtıcılardan qorunmaq üçün bunlardan istifadә edirdilәr. Azı dişlәrinin tacı uzun vә sementlidir. X. su hövzәlәri yaxınlığında yaşamış, ağacların, kolların yarpaqları vә cavan zoğları, yumşaq ot bitkilәri ilә qidalanırdılar.
Xiloteri skeleti. Honkonq elm muzeyi.
