XİMÉNES (Jiménez) Xuan Ramon (23.12.1881, Uelva, Moger – 29.5.1958, Puerto-Riko, San-Xuan) – ispan şairi. Nobel mükafatı laureatı (1956). 20 әsrin әn görkәmli ispan şairlәrindәn biri, ispan modernizminin banisidir. Sevilya untinin hüquq fakültәsindә oxumuş, tәhsilini tamamlamamışdır. 1900 ildә Madridә köçmüşdür; 1936 ildә ABŞ-a getmişdir; Kuba vә Puerto-Rikoda (un-tdә dәrs demişdir) yaşamışdır. 1900 ildә “Yasәmәn ürәklәri” poetik toplusu ilә debütü olmuşdur. Bu vә sonrakı “Nimfalar” (1900) toplusunda fransız simvolizminin tәsiri hiss olunur. “Qәmli nәğmәlәr” (1903), “Uzaq bağlar” (1904), “Pastorallar” (1911), “Melanxoliya” (1912), “Elegiyalar” (1–3 c.,1908–10), “Mәnәvi sonetlәr”, “Tәzәbәy şairin gündәliyi” (hәr ikisi, 1917), “Ədәbiliklәr” (1918), “Gözәllik” (1923) poetik toplularının “Platero vә mәn” (1914), “Batindәki vәhşi heyvan” (1949) novellalar topluları, “Üç dünyanın ispanları” (1942), “Sonsuz axın” (1961) esselәri vә tәrcümәlәri var. X.-in yaradıcılığı ispan vә latın Amerikası poeziyasının inkişafına әhәmiyyәtli tәsir göstәrmişdir.
