XİMERA, b i o l o g i y a d a – irsi olaraq müxtәlif hüceyrә vә toxumalardan ibarәt orqanizm (vә ya onun hissәsi), X.-nın yaranmasının әsasında müxtәlif ziqotalardan törәyәn hüceyrәlәr birlәşmәsi durur. X. tәbii yolla әmәlә gәlә bilәr, mәs., insanın qan X.-sı (cift damarları vasitәsilә hemopoetik kök hüceyrәlәrlә mübadilә olunan ikiyumurtalı әkizlәr); amma X.-lar çox vaxt süni yolla, insanda vә heyvanlarda toxuma vә orqanların 8–12 hüceyrәli inkişaf mәrhәlәsin dә (birincili X.) olan embrionların köçürülmәsi zamanı, ya da 1 növdәn olan bitkilәrin birini, digәrinә (ikincili X.) calaq edәrkәn alınır.
X. genetikanın, embriologiyanın vә immunologiyanın çәtin mәsәlәlәrinin hәllindә istifadә olunur. Bitkilәrin bir çox X. dekorativ mәqsәdlә bağ vә parklarda yetişdirilir (әlvanyarpaqlı şamdangülü – narınc vә limon arasında X., Adәmağacı qızılı akasiya ilә alqırmızı sarı kol nәfәsotları arasında X. vә s.).
