XİNÇİN Aleksandr Yakovleviç [7(19). 7.1894, Kondrovo k., indiki Kaluqa vil., – 18.11.1959, Moskva] – rus riyaziyyatçısı. SSRİ EA m. üzvü (1939), SSRİ Dövlәt mükafatı laureatı (1941). MDU-nu bitirmiş (1916), 1922 ildәn oranın prof.-ru. İlk elmi işlәri hәqiqi dәyişәnli funksiyalar nәzәriyyәsinә aiddir. Funksiyaların metrik nәzәriyyәsi metodlarını әdәdlәr nәzәriyyәsinә vә ehtimallar nәzәriyyәsinә daxil etmişdir. Ehtimal nәzәriyyәsi mәktәbinin banilә rindәn biridir (limit teoremlәr sahәsindә mühüm nәticәlәr almış, tәkrar loqarifm qanununu kәşf etmiş, tәsadüfi stasionar prosesә tәrif vermiş vә belә proseslәrin nәzәriyyәsinin әsasını qoymuşdur). X. ehtimal nәzәriyyәsinin üsullarını vә nәticәlәrini statistik fizikada riyazi aparat kimi geniş istifadә etmişdir, kütlәvi xidmәt nәzәriyyәsinin riyazi metodlarını işlәyib hazırlamışdır. Lenin ordeni, digәr orden vә medallarla tәltif edilmişdir.
