XLÉBNİKOV Velimir (Viktor Vladimiroviç) (9.11.1885, Hәştәrxan qub., Malıye Derbetı k., başqa mәlumata görә Tundutov k. – 28.6.1922, Novqorod qub., Santalovok; 1960 ildә Moskva ş.-ndә yenidәn dәfn edilmişdir) – rus şairi. Rus futurizminin banilәrindәn biri. 1903 ildә Kazan un-tinin fizika-riyaziyyat fakültәsinә daxil olmuşdur. 1908–11 illәrdә S.Peterburq un-tindә oxumuşdur (bitirmәmişdir). Sәrgәrdan hәyat sürmüşdür; S.Peterburq, Moskva, Xarkov, Bakı vә Hәştәrxanda yaşamışdır; 1916 ildә hәrbi xidmәtdә olmuşdur; 1921 ildә sovet ordusu ilә İrana getmişdir. Şair kimi debütü 1908 ilә tәsadüf edir. 1912 ildә V.V.Mayakovski ilә tanış olmuşdur. Yaradıcılığının erkәn dövrünә aid әsәrlәri “Şeir toplusu” vә “Əsәrlәr” (hәr ikisi 1914) kitablarında toplanmışdır. “Durna”, “Şaman vә Venera”, “Siçan tәlәsindә müharibә” (1915–19), “Ladomir” (1920), “Sәn gәrdә gecә”, “Sovetlәrdәn әvvәlki gecә” (hәr ikisi 1921) poemalarının müәllifidir. “Markiza Dezes” (1910) pyesi, “Ka” (1916) nәsr әsәri var. Əsәrlәrinin әksәriyyәti ölümündәn sonra nәşr olunmuşdur. Rus poeziyasının sonrakı inkişafına әhәmiyyәtli tәsir göstәrmişdir.
Ə s ә r l ә r i: Собр. соч.: В 6 т. М., 2000–2006.
